نشرت الفنانة حوريه فرغلي عبر حسابها الخاص بموقع الصور والفيديوهات الانستجرام فيديو ترد فيه على تصريحات طليقة مطرب المهرجانات حسن شاكوش ريم طارق
بدأت حورية كلامها قائلة الحقيقة جاية انهاردة اكلمكوا فى موضوع بقالو فترة مضيقنى وساكتة ، بس قررت لما يحصلي حاجة زى كدة اشاركوا فيها وتقولولي انا غلطانة ولا لاء
أضافت أنا فضلت ساكتة كتير على الموضوع عشان أنا أكبر من كدة ، بس الموضوع زاد عن حده ولازم أتكلم ، ومش حابة أذكر الاسم بس مضطرة عشان أثبت حقى المعنوي ومسمحش أن أهلي يسمعوا الكلام دا عني
تابعت الأستاذة ريم طارق طليقة الفنان حسن شاكوش اللى أنا معرفهاش نهائي وعمري ما شوفتها إلا من خلال السوشيال ميديا ، وقولتي أن حسن شاكوش على علاقة بفنانة تالت حرف من اسمها الراء وكلوا مسك فيا أنا وسكت ، لكن تطلعي تقولي أن حورية فرغلي صرحت عن اسم الفتاة اللى علاقة بحسن شاكوش لحد هنا واستوب
أكدت حوريه فرغلي أنها لم تكن تعرف ريم طارق من قبل قائلة أنتى عايزة تقولى اسمي وخلاص عشان تتطلعي ترند وانا ممكن أرفع عليكيقضية تشهير ومصورة كلامك وبعته لريهام سعيد ، وقولتي انك مش هتعتذريلي وانا مطلبطش منك دا لأنك عاملة فيلم هندي ومصدقاه ، أناعايشة لوحدي وبعيد عن القيل والقال وأكبر من أنى أعرفك
أنهت حورية كلامها قائلة أنا بحترم الصغير قبل الكبير وربنا يهديكي لنفسك ولو جبتي سيرتي تاني أنا هتهمك بالتشهير بيا وصدقينى مشهتستحملي ومش هتتخيلي هيحصل فيكي ايه وأسفة على رد الفعل اللى هيحصل
يذكر أن ريم طارق طليقة مطرب المهرجانات حسن شاكوش،قد كشفت عن حقيقة تلميحها عن وجود علاقة تربط طليقها والفنانة حوريةفرغلي أثناء زواجهما
أكدت ريم طارق أن هناك علاقة تجمع حسن شاكوش بإحدى الفنانات التى يتواجد ثالث حرف من اسمها هو الراء ، مما أثار الشك حول الفنانة حورية فرغلي