علق الفنان مصطفى قمر على وصف الناقد طارق الشناوي لفيلمه الجديد “أولاد حريم كريم” بالأفشل.
وقال مصطفى خلال مداخلة هاتفية ببرنامج “القاهرة اليوم” مع نانسي مجدي وإدوارد: “النقد يعني أقول مظاهر الجمال ومظاهر الضعف والأخطاء، وأتكلم عن الإخراج والتصوير والأداء والحبكة، هو حر أنه يقول أسوأ فيلم لكن أنه يقول مصطفى قمر مطرب فاشل دا اللي ضايقني، إحنا نجوم وبنمثل بلدنا بفننا المحترم الراقي، لكن اتبهدل في بلدي ويتقال كلام وحش عني ونتكرم من إخواتنا وحبايبنا في البلاد التانية”.
وتابع قمر: “”أنا مقدرش أسيب واحد في المهنة متخصص يطلع يقول مصطفى قمر فاشل، هو قال في الحوار “مصطفى قمر علق فشله كمطرب أنه يجيب نجمات انتهوا وإن مصطفى قمر فقد الوهج، المفروض بعد حواره أحفر تربة واقولكم موتوني”.
وأضاف: “من حقي أن أدافع عن نفسي بقوة واللي بيدافع عنه يبقى شبهه ومن نفس النوعية، كل الناس اللي غلطت في شخص مصطفى قمر هاخد حقي بالقانون لكن الناس اللي طلعت تتكلم عن الفيلم هرد عليهم بالنقاش”.
واختتم حديثه قائلًا: “بقالي 20 سنة أو أكتر شخص واحد بيهاجمني وعمال يكسر فيها وأنا ساكت”.