ردت هند عبدالحليم عبر حسابها الخاص بموقع الصور والفيديوهات الانستجرام علي الهجوم التي تعرضت له بسبب إزالتها الشامة “الحسنة” فوق شفاهها
بدأت هند كلامها قائلة للتوضيح حاجة كمان بما إن الناس بقت بتقول كده في الوش ومش بيحسوا بحد في ناس كتير قالت إني عملت مناخيري ونفخت وشي وشفايفي، أنا عملت كل ده؟ أمتى طيب وفين؟
أضافت هو إنتوا مش عارفين إن البني آدم ملامحة بتتغير مع مرور السنين وهو نفسه أصلا بيتغير مش بيروح يعمل عمليات في شخصيته ولا أحاسيسه بس الحاجة الوحيدة اللي مش بتتغير إنه هيفضل بني آدم بيحس وبيتوجع فا حطوا نفسكوا مكان الناس أو بلاش … بس مش لازم تخلوني عملت وغيرت وشيلت الحسنة اللي كانت فيها موهبتي أو الحسنة الوحيدة اللي كانت فيا زي ما ناس كتير قالت، برافو يا جماعة استمروا خليكوا أشرار أكتر وأكتر اتبسطوا
يذكر ان اخر الفنانة الشابة هند عبد الحليم مسلسل أزمة منتصف العمر الذي عرض عبر منصة شاهد
شارك في بطولة المسلسل عدد كبير من النجوم ومنهم كريم فهمي، ريهام عبد الغفور، رنا رئيس، هند عبد الحليم، رشدي الشامي، ركين سعد وعمر السعيد والمسلسل من تأليف أحمد عادل، إخراج كريم العدل، إنتاج صباح إخوان و معالجة درامية كريم فهمي وكريم العدل
تدور احداث المسلسل حول “فيروز” التي تزوجت في سن صغير من رجل يكبرها في العمر كثيرا، تعاني من معاملته القاسية وإهماله لها، في نفس الوقت تتزوج “مريم” ابنتهما من “عمر” الذي يكبرها في العمر ويلاحظ “عمر” معاملة “مريم” ووالدها السيئة لـ”فيروز” ويتقرب منها ويقع في حبها.