اعتمد النجم تامر حسني أن ينصح جمهوره الشباب عبر حسابه الخاص بموقع التواصل الاجتماعي فيسبوك
أكد تامر أنه يستمد نجاحه من جمهوره قائلا اللي مالوش كبير يشتريله كبير مقولة جميلة بس أنا من خلال رحلتي وقد ايه في قوة جبارة الإنسان بيستمدها من اللي بيحبهم بكل جوارحه وطبعا كلامي عن النجاح العملي في العمل اللي تحبه
تابع حبيت اقول المقولة بطريقة تانية وهي “اللي ملوش مثل أعلى يشتريله مثل أعلى” والله لما بتحب حد ناجح وتتأثر برحلته أو طريقته ونجاحه فعلا بتقدر تبقى زيه وممكن احسن كمان، ممكن طبعا تنجح من غير ما يكون عندك مثل أعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات أنت متعرفش نتايجها بس بتعرفها من خلاله بتشوف تفكيره في التطوير وتفكيره ازاي يتخطى الأزمات وتفكيره في المواكبه لكل مرحلة في حياته، ازاي كسر سقف نجاحه علشان أنت كمان تعمل زيه
أضاف اللي ملوش مثل على يشتريله مثل على” يعني يدور ويركز مع حد يحبه ويتعلم منه وعلى فكرة مش شرط في مجاله ممكن تحب حد في مجال تاني وتحاول تطبق مرحلة في مجالك دة كان كلام من واقع تجربتي ورأي الشخصي
تمني النجاح لجمهوره قائلا ربنا يوفقكم كلكم وتوصلوا لابعد من احلامكم وتبقوا انتو كمان مثل على لناس بعدكم
يذكر ان عرض مؤخرا لتامر حسني فيلم تاج ضمن أفلام عيد الأضحي
شارك في بطولة فيلم “تاج” بطولة تامر حسني، ودينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق. تدور أحداث فيلم “تاج” في إطار كوميدي فانتازي حول شخصية البطل الخارق أو الـ”سوبر هيرو”، ويجسد تامر حسني شخصيتين لشقيقين توأمين اسمهما تاج وهارون، ويمران بالعديد من الأزمات، أما الفنانة دينا الشربيني فتجسد دور مدرسة موسيقى