أعلن الفنان كريم عبد العزيز خلال لقائه ببرنامج “sold out” المذاع على منصة watch it مع الإعلامي محمود سعد عن فترة مرضه ومعرفته اكتشف إصابته بـ9 جلطات في الرئة أثناء رحلته في إنجلترا وأخبرته الطبيبة إنه سوف يموت
أوضح كريم عبد العزيز عن كيف اكتشف قائلا أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية،فجأة لقيت آلام غير طبيعية في صدري افتكرته برد ودهنت “فيكس وأبو فاس” وبعدها عملت أشعة ومشيت، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك “You will die” إنت هتموت
تابع لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منهاإني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي
أضاف قررت أشوف دكتور تاني وفعلا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أومستشفى وأنا أجاوت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ماسألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت
يذكر أن كريم عبد العزيز تعرض لهذه الأزمة الصحية عام 2011.
https://vm.tiktok.com/ZMj9uS4fV/